Snilld

Tvær góðar setningar sem ég hef mikið dálæti á

ÞAÐ ER LÚXUS AÐ VERA RÉTT SKILIN  -- þessi á vel við í dag !

MATVENDI ER GÓÐUR MATARSMEKKUR  -- þessi á alltaf vel við  

 

 

Regnbogabörn - einelti

 

 

Á heimasíðu Regnbogabarna kemur eftirfarandi fram um einelti

 http://www.regnbogaborn.is/?i=28

.: Hvað er einelti :.

“Einelti er skilgreint sem  endurtekin eða viðstöðulaust áreyti/ valdbeiting, munnleg,  sálfræðileg eða líkamleg, framkvæmdar af einstaklingi eða hóp einstaklinga sem beita sér gegn annarri manneskju eða hóp einstaklinga gegn þeirra vilja.”

Dan Olweus skilgreinir einelti þannig að  það sé einstaklingur sem lendir reglulega og yfir ákveðið tímabil í neikvæðu áreiti af hendi eins eða fleiri.?Roland telur einelti vera langa og kerfisbundna notkun ofbeldis, andlegs eða líkamlegs, gagnvart einstaklingi sem ekki getur varið sig í aðstæðunum. Bjorkquist og fleiri segja einelti vera ákveðna tegund ýgi/árásargirni sem sé í raun félagsleg.?

Pikas heldur því fram að nauðsynlegt viðmið til að meta einelti sé að það sé neikvæð hegðun frá tveimur eða fleiri einstaklingum gagnvart einum einstaklingi eða hópi. ?

Besag segir að í Bretlandi sé það talið einelti þegar einn einstaklingur ræðst á einhvern hátt gegn einum einstaklingi, hópi eða hópur ræðst gegn hópi eða hópur gegn einstaklingi.

 

Er þetta ekki farið að vera einelti

Mér finnst með ólíkindum hvað fólk getur gert mikla aðför að einum manni.  Hvernig getur Davíð Oddsson átti, einn maður, að bera slíka ábyrg..Skil ekki að þetta fólk sem stóð fyrir mótmælum á Austurvelli skuli ekki kalla aðra í Seðlabankanum til ábyrgðar líka (ef þeir vilja kenna Davíð um þetta allt þar sem hann er Seðlabankastjóri) þetta fólk hlýtur þá að líta á hina tvo Seðlabankastjórana sem algjörlega vanhæfa menn og alla ráðgjafa Seðlabankans líka. Eða heldur fólk virkilega að Davíð sé einn í bankanum, hættið þið nú alveg það vinna fleiri þar og ábyrgðina er ekki hægt að setja á einn mann. Mér finnst þetta ljót aðför að merkum manni sem stjórnaði landinu til fjölda ára með sóma. Spurning hve margir mundu mæta á útifund til stuðnings honum ?

Skyldusparnaður

Ég legg til að það verði aftur tekin upp skyldusparnaður. Skil ekki hvers vegna hann var tekin af, veit um marga á mínum aldri sem notuðu skyldusparnaðinn sem innborgun á fyrstu íbúðina. Í dag væri þetta öruggur peningur, geymdur hjá ríkinu !!....það væri ekki búið að sóa þeim í útlöndum.  Ég sem foreldri tveggja ungmenna væri mjög hlynnt því að skyldusparnaðurinn væri tekin upp, þó að maður sé að reyna að láta þau spara,  sem hefur svo sem tekist ágætlega þá væri gott að þau ættu skyldusparnað sem erfiðara væri að nálgast (og þau fengu ekki leyfi mömmu til að taka hann út fyrr en síðar  ) . En að öðru, ég er ekki alveg viss um að við eigum að leita til alþjóðagjaldeyrissjóðsins, ég vill alls ekki að við missum neitt vald til þeirra...þurfum að fá lán á okkar forsendum ...ef einhvertímann hefur verið mikilvægt að vera sjálfstæð þá er það núna. Við getum leyst þetta mál en megum ekki ana út í neitt. Annars hef ég nú reynt að vera ekki velta mér mikið upp úr fréttum núna, þær eru nú frekar niðurdrepandi, en fylgist samt ágætlega með ætla bara ekki að missa mig yfir þessu, en ég er samt komin á það niðurstöðu að það þarf að komast að því hvað mennirnir gerðu við peningana og hvar eru þeir núna....ég bara spyr......Spaugsdofann var góð  í gær sérstaklega þegar þeir tóku fyrir hræðsluáróður Bónusmanna. Það er ekki óeðlilegt að það verði minna vöruframboð hér á næstu misserum en það er óþarfi að reyna að spila á fólk.

Kastljós II

Steingrímur var ekki með neina lausn á málunum í Kastljósinu áðan, nema reka alla. Ég get nú ekki séð að það sé góð lausn, trúi ekki að allir.. já bara allir séu vanhæfir, finnst Steingrími reynslan ekkert mikilvæg, ég bara spyr.. Ég er nú ekki hrifin af VG en ég held samt að þeir væru betri með Dinu en Sið. Ég er nú ekkert smá hneyksluð á starfandi utanríkisráðherra að haga sér eins og óþroskaður unglingur þegar hann sendi puttann í sjónvarpinu. Ég held að ráðamenn verði að haga sér að skynsemi og að ábyrgð. Ég finn til með bankamönnunum sem eru að missa vinnuna, vona bara að það verði ekki mikið um að fólk missi vinnuna -- það er slæmt. En endilega reynum að vera bjartsýn, það birtir upp ---- gæti tekið smá tíma en ég trúi að það verði góðir tímar í náinni framtíð.

Kastljós

Davíð er alltaf góður, hann útskýrir hlutina á mannamáli. Hann er góður.....Samlíking hans með slökkviliðið var góð.  Ég hef alltaf sagt að fólk ætti að fara rólega í erlendu lánin og útrásina ..... en hver hlustaði á mig.  Okkar eigin gjaldmiðill er málið, guð minn góður hvað ég er sammála honum  loksins er einhver sammála mér ! Hann er minn maður.

Dauðinn

Dauðinn er allra hann er hvíld

Hann er líkn þeirra sem þjást

Dauðinn er áfall fyrir þá sem sitja eftir

Hann brýtur hjörtu og særir sálir

Dauðinn er  ljós

Ljósið er okkar allra það birtist þegar tíminn er komin 

 gg

 

Snjór

Vá hvað snjóar. Þegar ég vaknaði í morgun var allt hvítt yfir, maður hélt að þetta væri bara svona smá til að minna okkur á að veturinn væri í nánd, en hver átti von á að síðan færi bara að kyngja niður snjó.....það er s.s komin vetur .... það hefur bara gerst örsjaldan á minni ævi svo ég muni að það hafi snjóað fyrir afmælisdaginn minn ...Hvað ætli þetta allt boði, efnahagskerfið er í klessu, haustið var ansi stutt ef það koma þá eitthvað, fannst dagurinn í dag vera alveg æðislega fallegur haustdagur, og ég sem elska haustið og haustið á ekki bara að vera í einn dag   Síðan heimsækir veturinn okkur ansi snemma. Getur þetta nokkuð nema farið upp á víð , ég bara spyr.

Sumir öflugri en aðrir

Já, ótrúlegt hvað sumir halda að einn maður geti stjórnað miklu. Að halda því fram að Davíð hafi skipulagt bankakaupin til að hnekkja á Jóni er alveg með ólíkindum, hann er kannski búin að vera að plana þetta síðan "síðasti" dómur féll......kannski á hann líka sök á hruninu í USA , verðbólgunni í Danaveldi og öllu veseninu í UK..... svona allt til að getað tekið "vin" sinn í karphúsið...... Já það má segja að þeir sem trúa spunanum um að Davíð hafi planað þetta allt hafi mikla trú á manninum. Ótrúlegt hvað einn maður á að vera útsmoginn, áhrifamikill og bara ógeðslega klár. Hann hlýtur allavega að vera góður í Domino. Ég er allavega ánægð með að ríkið keypti sér hlut í bankanum og lánað þessum mönnum ekki krónu.

Ertu kvæntur eða giftur

Hef aldrei pælt í því að ég er gift en ekki kvænt - en án þess að hafa pælt í því þá segi ég náttúrulega aldrei að ég sé kvænt . Það kom skýring á þessu í tíma hjá mér í skólanum um daginn. Konur geta s.s ekki verið kvæntar neinum, það eru bara karlmen sem eru kvæntir, konur eru giftar einhverjum, karlar geta reyndar líka verið giftir einhverjum.....þetta er eitthvað um það að sækja sér kvonfang...........mér fannst þetta bara áhugavert.....hafði bara aldrei pælt í þessu.

Útsvar

Jæja þeir strákar frá Keflavík stóðu sig bara vel í Útsvari í kvöld. Töpuðu reyndar en voru næstum því búnir að vinna   og það þurfti ekki að vera á kvíðastillandi   Við vinnum vonandi á morgun í staðin.  Nú er maður bara byrjaður að stressast upp yfir leiknum á morgun, við erum alveg ótrúlega nálægt því að vinna titilinn. Vonandi verður sigurhátíð hér á morgun. ÁFRAM KEFLAVÍK

Kvíðastillandi

Er að velta fyrir mér hvort ég þurfi að fá mér kvíðastillandi fyrir kvöldið.  Keflavík er að keppa í Útsvari og mér fannst við standa okkur svo illa síðast og ég er svo hrædd um að það endurtaki sig. Ég var ekki með neitt smá veðurfræðingasyndrom  þá og veit að sagan gæti endurtekið sig í kvöld. En ég verð að horfa og standa með mínum bæ (samt ágætt að hafa fjarstýringuna í hendinni þegar álagið verður mikið --þegar veðurfræðingasyndromið er í hámarki) Kannsi vitið þið ekkert hvað veðurfræðingasyndrom er, en Bryndís systir veita það allavega

Hver flettir

Fannst dálitið fyndið að hitta á bloggið mitt þegar flettingar voru nákvæmlega 1000....Veit ekkert hverjir fletta, nema auðvitað þeir sem koma með comment  

Nú er ég á skemmtilegu námskeiði hjá Þorvaldi Þorsteinssyni, SKAPANDI SKRIF...finnst Þorvaldur reyndar dálítið sveimhuga en hann fær mann til að skrifa og margt áhugavert sem hann segir. Nú er ég komin með bók, sem ég tek með mér hvert sem er og skrifa ýmislegt í ..... fannst ég dálítið mikið nörd þegar ég var með Guðmund á fótboltaæfingu um daginn og var að skrifa í bókina góðu....Nei ég er ekki svona klikkuð.... en ég varð að klára heimaverkefnið og var bara að renna á tíma svo ég notaði tímann sem ég þurfti að vera í íþróttahúsinu....en kannski verð ég smá klikk og fer að hafa bókina undir arminum öllum stundum    Nei ég held ekki ! En námskeiðið er allavega skapandi það er ekki hægt að segja annað.

Leikhúshelgi

Fór með kallinum að sjá Fló á skinni í Borgarleikhúsinu á föstudagskvöldið. Alveg frábær sýning, mikið hlegið og haft gaman. Mér fannst reyndar erfitt að skilja suma .... þá á ég við fyrir utan pólska manninn, thailensku konuna og holgómamanninn (hann var sérstaklega fyndin)...leikritið gekk reyndar mikið út á að misskilja þau en mér fannst stundum erfitt að heyra almennilega hvað hinir sögðu, samt sat ég á 9. bekk. Mæli með þessi stykki. Síðan á laugardaginn fór ég með alla fjölskylduna á Skilaboðaskjóðuna í Þjóðleikhúsinu, það var mjög skemmtilegt við fjölskyldan á "öllum" aldri og allir höfðu gaman að.  Stykkið kannski 15 mínútum oft langt fyrir þann yngsta en kom ekki að sök. Fyrir okkur hin var hálf skemmtunin að fylgjast með innlifun þess yngsta, hræðsla gleði, aðdáun og allt þar á milli.  Það var bara yndislegt að sjá hann, stundum þurfti hann alveg að kúra sig að pabba sínum en reyndi samt að gjóa aðeins augunum ... bara sætt   Mér finnst reyndar Þjóðleikshúsið einhvernvegin betra en Borgarleikhúsið...finnst það bara meira leikhús, faglegra (þó ég hafi ekkert vit á þessu)  og leikmyndirnar eru alltaf flottar þar. Ég lifi mig alltaf meira inn í leikrit í Þjóðleikhúsinu ---

Yndislestur

Verð að segja frá einni bók sem ég las fyrir helgi.  KONA FER TIL LÆKNIS, ótrúleg bók.. ekkert sérstök framan af en seinni helmingur bókarinnar er magnaður.  Bókin er um mann sem á konu sem greinist með krabbamein og það er stórkostleg lýsing á samskiptum þeirra á banabeði konunnar. Ég var útgrátin eftir lestur bókarinnar. Mér finnst ég hafa lært af þessari bók hún er svo ótrúlega raunveruleg og gefur svo góða mynd af samskiptum fólks í skugga veikinda. Bryndís systir lánað mér þessa bók hún var svo heilluð af henni....ég skyldi það ekki í byrjun fannst eiginmaður hálf glataður, haldandi framhjá og á fyllerí í tíma og ótíma....en hann stóð sig þegar á reyndi og það á magnaðan hátt.  Ég mæli með að fólk lesi þessa bók...bara muna að hafa tissú við hendina í lokin.