Þurrausa

Ég var í stóru prófi í skólanum í dag öðru prófinu mínu af þremur. Það er svo ótrúlegt hvað maður er þreyttur eftir svona próf, maður er alveg bara þurrausa. Maður er þreyttur í heilanum. Heilinn komin á yfirsnúning alveg yfirfullur af vitneskju sem er síðan "bunað" út úr sér á nokkrum klukkustundum, í formi stafa sem ritaðir eru á blað. Öll vitneskjan sem maður er búin að vera að ná sér í yfir veturinn er sogin úr heilasellunum og þær eru bara þreyttar á atinu. Í dag er heilinn á mér er eins og svampur sem búin er að draga í sig vökva, síðan fer maður í próf og vindir úr svampinum þá er hann hálf kraminn, tekur síðan smá tíma til að blása út aftur og fara í sama form.  Veit að mínar heilasellur verða komnar í fínt form á morgun, en í kvöld er þær enn að jafna sig á átökum dagsins, svo ég held að ég fari bara og horfi á eitthvað afþreyingarefni sem þarf ekkert að nota sellur við.

Gjaldeyriskaup

Finnst dálítið skondið með gjaldeyriskaup í dag. Það þarf að koma með farmiða í bankann, annars getur maður ekki keypt gjaldeyrir (allavega var það svoleiðis í síðustu viku) Reyndar eru  engir sérstakir farmiðar til lengur - þessir í þríritun eða var það fjórrit og ferðaskrifstofufólk þurfti að fara á sér námskeið til að læra að gefa þá út ... nú dugir útprentun af rafrænum farseðli, það er stimplað á útprentunina -reynda auðvelt að prenta út nýja - en ætli þeir haldi ekki utan um kennitöluna. Um daginn þegar einn úr fjölskyldunni þurfti að fara erlendis, var keyptur gjaldeyrir í okkar viðskiptabanka. Síðan þurfti að finna gamla innanklæðaveskið sem notað var hér í denn eins gott að passa upp á peninga og hafa þá innan á sér og auðvitað var það til enn    Nú er Visa kortið ekki notað þar sem enginn leið er að segja um gengið dag frá degi, eða ég treysti því allavega ekki.  En við þessi gjaldeyrismál öll, rifjast upp fyrir mér utanlandsferðirnar þegar ég var lítil. þá var hluti að ferðinni að fara í bankann og skipta ferðatékkum. Ég var rosalega lítið að pæla í peningamálum á þessum árum en mér er mjög minnisstætt hvað það var gott að koma í bankann, ótrúlega gott  -- þar var loftkæling --- sem var ekki algengt á Spáni á þeim tíma. maður var eiginlega bara feginn að það tók pabba dálítið langa tímann oft að skipta. En þá þurfti örugglega að skipuleggja eyðsluna vel því ekki var hægt að grípa í kreditkortið. Ég held að fólk hafi líka haft meiri tilfinningu fyrir eyðslunni þá. Það hlýtur að hafa verið kúnst að láta vissa peningaupphæð duga í vissa daga. Ég held að margir ættu erfitt með það í dag. Held samt að ég gæti það.......svona ef ég færi ekki í Ameríku og það yrðu ekki margar H&M búðir á vegi mínum. Gæti varla hugsað mér að fara til Ameríku án Visakorts með mjög hárrrrrri heimild og ætti alveg rosalega erfitt með mig í H&M í Evrópu með eitthvað hámark á eyðslu  ......Eins gott að ég er ekki á leiðinni til útlanda á næstunni

Að týna hlutum

Svei mér þá ég held að búálfarnir mínir hafi aðeins minnt á sig um daginn. Þannig var að ég týndi ipodnum mínum, pennaveskinu en í því var diktafónninn minn (rosalega mikilvægt tæki hjá mér þessa dagana) og síðan dagbókinni minni (nb. allt skipulagið mitt í henni) . Ég kenndi stóra stráknum um hvar ipodsins. Ipodin var í bílnum og strákurinn með hann í láni. Ég er nýbúin að uppgötva að hlusta bara á góða tónlist þegar ég er að keyra, og ipodin kom sér vel þegar ég var að reyna að vera fréttalaus. En allavega drengurinn var með bílinn og ég var sannfærð um að ipodin hafi verið þar og honum hafi verið stolið. En ég var s.s búin að leita af öllum þessum þremur hlutum en fann ekki neitt...Var alveg ótrúlega svekkt yfir að finna ekki ipodin, var alveg sannfærð um að honum hefði verið stolið.......Síðan liðu nokkrir dagar og þá fann ég fyrst dagbókina hún var í bílnum, pennaveskið fannst degi síðar líka í bílnum  og að lokum fann ég ipodin, en hann var ekkkki í bílnum, hann var allt í einu komin inn og bara lá á borðinu og ég get svarið fyrir það að ég var mörgu sinnum búin að ganga fram hjá þessu borði. Álfarnir mínir hljóta að hafa verið að stríða mér  Hlutirnir voru alveg á öfugum stað við það sem ég hélt að ég hafði séð þá síðast.  Mér finnst samt alveg ótrúlegt hvað manni er annt um hlutina sína núna. Ég er alveg að missa mig ef ég "held" að ég sé búin að tína einhverju. fyrir breytingu (finnst fáránlegt að kalla þetta kreppu) þá róaði ég mig alltaf með því að ég myndi nú bara kaupa nýtt....svona ef ég týndi einhverju.....En núna getur maður bara ekki keypt neitt nýtt, eins gott að halda í allt þetta gamla góða. Ég er reyndar alveg rosalega góð í að týna einhverju tímabundið !, gsm síminn minn er ótrúlega góður í því að verða viðskila við mig og bíllyklarnir, já þeir, ég held að þeir hoppi nú bara stundum af hillunni sem þeir eiga að vera á. En þetta með að tína og finna aftur ..... verð að fara að passa betur upp á hlutina núna .... ég verð alltof pirruð að finna þá ekki .... og núna get ég ekki róað mig með því að ætla mér bara að kaupa nýtt.  

Trúnaðarstörf

Mér finnst alveg ótrúlegt að maður sem vinnur trúnaðarstörf fyrir einhvern skuli um leið og hann hættir brjóta trúnað og gefa út bók. Bjarni Harðarson sagði í Kastljósi í kvöld að hann hefði unnið mörg trúnaðarstörf fyrir Framsóknarflokkinn en svo gefur hann út bók um innanhúsmál flokksins um leið og hann hættir. Hef reyndar ekki lesið bókina en gat ekki skilið betur en þar væru trúnaðarupplýsingar. Mér er svo sem alveg sama hvað stendur þar en ég skil bara ekki þetta með trúnaðinn......  

Áheyrnarfulltrúar

Hvernig ætli þeir hafi hugsað framkvæmdina á því að hafa áheyrnarfulltrúa í öllum nefndum alþingis og var það ekki líka á ríkisstjórnarfundum. Ætluðu þeir að láta kjósa þá á landsvísu, eða áttu þetta bara að vera fólk af höfuðborgarsvæðinu. Ef kosið hefði verið á landsvísu um hverjir ættu að vera áheyrendafulltrúar þjóðarinnar, átti ríkið að borga því fólki laun, jafnvel flug fyrir þá sem kæmu utan af landi, ferðakostnað, dagpeninga.....ég bara spyr var þetta hugsað til enda. Það fólk sem er á alþingi núna var kosið í lýðræðiskosningu af þjóðinni til að vera fulltrúar hennar (ekki endilega fólkið sem hver og einn kaus í stjórn, en það ætti þá að vera í stjórnarandstöðu) .....vilja þessir menn síðan bæta við fleira fólki. Mér finnst þetta eitthvað skrýtið, einhverju slengt fram án þess að það sé hugsað til enda held ég.

„Þetta er þjóðin“

Ég styð Geir

Ég styð Geir Haarde, styð hann og treysti til að koma okkur út úr þessu eins vel og hægt er. Ég tel hann traustan mann og heiðarlegan. Ég hef ekki verið stuðningsmaður Samfylkingarinnar hingað til og er það ekki enn. Ég studdi ekki ríkisstjórnina en get ekki annað en stutt hana í dag. Var ekki ánægð með samstarfið en hvað er betra hægt að fá, ég bara spyr, er stjórnarandstaðan hæf til að stjórna landinu, það tel ég ekki. Hvaða fólk getur komið í staðinn. Hefur hingað til verið mikið um breytingar á milli kosningar, fólkið kaus þessa flokka og þeir hafa mikinn meirihluta á alþingi. Ég veit alveg um einn og einn góðan mann og góða konu sem væru vel hæf til að vera í ríkisstjórn og er alveg sammála að einn og einn eigi að hverfa á brott. En hvernig heldur fólk eiginlega að fari fyrir okkur ef stjórnin segir af sér. Það verður bara einn glundroði hér á landi. Leyfum þessari stjórn að vinna sína mál og koma okkur út úr þessu. Þau komu flest vel út á Borgarafundinum í kvöld. Frummælendur voru nú ansi misjafnir og ég myndi ekki treysta þeim öllum til að stjórna landinu. Hafa þeir hugsað málin til enda. Til að berjast fyrir börnin og barnabörn þurfum við að hugsa til framtíðar og vera skynsöm, ekki láta reiðina stjórna okkur, það hefur aldrei skilað árangri.

Árás á lögregluna

Þetta kemur fram á vef RUV (leturbreytingin er mín)

Mótmælendur við Hverfisgötuna brutu að minnsta kosti 5 rúður á lögreglustöðinni, beittu gangstéttarhellu til að brjóta glugga í aðalhurð hússins og sóttu síðan stærðar viðardrumb og reyndu að brjóta með honum innri hurðina í anddyri lögreglustöðvarinnar. Þegar þangað var komið brá lögreglan á það ráð að beita piparúða gegn fjöldanum. Síðan tóku sérsveitarmenn sér stöðu fyrir framan húsið og vörðu það. Þá kom til handalögmála. Álfheiður segist ekki geta lagt mat á það hvort mótmælendur hafi gengið of langt. Steingrímur J Sigfússon, formaður vinstri grænna, segir Álfheiði ekki hafa farið yfir strikið. Vinstri grænir hafi tekið þátt í mótmælunum almennt og á meðan menn geri ekkert ólöglegt sé ekkert við þá að sakast. http://ruv.is/heim/frettir/frett/store64/item238429/ 

Sama á hvaða forsendum maðurinn var handtekin finnst mér þessi hegðun ömurleg. Að ráðast að lögreglunni á þennan hátt er bara ljótt.  Hefur einhver pælt í því hvað hefði gerst ef lögreglan hefði hleypt fólkinu inn í húsið. Og að þingmaður hafi tekið þátt í þessum mótmælum finnst mér fáránlegt. Að ráðast að mönnum sem eru að sinna opinberum skyldum sínum er ekki sæmandi þingmanni. Í tilvitnuninni hér að ofan væri hægt að segja að Álfheiður og Steingrímur væru lýðskrumarar (skv. íslenskri orðabók er Lýðskrumari stjórnmálamaður sem talar eins og fólk vill heyra; pólitískur æsingamaður)
Mótmæli eru góðra gjalda verð en styður fólk virkilega svona hegðun.

Fráleitt ólögmæt handtaka

Barnahátíð

Frábært framtak hjá Reykjanesbæ í dag að hafa barnahátíð. Dagurinn hjá okkur hjónakornunum fór í að leyfa Guðmundi að njóta sín. Fyrst var farið í DUSS hús í bíó, og horft á Didda og dauði kötturinn, honum fannst myndin mjög skemmtileg og spennandi. Síðan fórum við í Fjörheima á Vallarheiði og það fannst mínum fjör, diskótek og alles --- hann dansaði reyndar ekki -- en hljóp þeim mun meira, fór í billjard og fl. og fl. síðan fórum við í hjólaskautahringinn. Hann prufaði línuskauta í fyrsta sinn, heppinn að fá lánaða skautana sem bróðir hans átti og keyptir voru í Ameríkunni hér um árið  þar var boðið upp á kaffi og vöfflur með súkkulaði, það fannst honum gott. Hann þarf nú smá meiri æfingu á skautunum en það hlýtur að koma, þarf að fá hjólaskautasnillinginn bróður sinn til að kenna sér. síðan var farið í næsta hús við hliðina en þar var inni leiktæki fyrir börn, svaka skemmtilegt. Enduðum síðan barnadagskránna á því að heimsækja Skessuna, hún er algjört æði í hellinum sínum. Kórónuðum síðan daginn með því að fara í barnaafmæli. Alveg draumadagur hjá 5 ára strák og kvöldið var ekki síðra, einn af uppáhaldsþáttunum hans í sjónvarpinu -Spaugstofan - (þeir virðast ná til allra aldurshópa) og nú er bara að koma honum í bólið.....

Barnahátíðin verður aftur næsta laugardag og hvet ég fólk til að taka þátt. Næsta laugardag förum við í það sem við komumst ekki yfir í dag, af nógu er að taka.

Til að sjá dagskránna smelltu á linkinn hér fyrir neðan.

http://reykjanesbaer.is/displayer.asp?cat_id=1037&module_id=220&element_id=12219

Ég styð lögregluna

Mér finnst til skammar að fólk ráðist að lögreglunni. Hvers konar lýður er þetta. Að mótmæla er í lagi en að gera það á þennan hátt er ekki til eftirbreytni. Ég ætla að vona að þeir sem standa fyrir mótmælum á Austurvelli hvetji fólk til að mótmæla án ofbeldis á næsta fundi. Hverju er áorkað með því að ráðast að lögreglunni, ber ekki öllum að fara að lögum og reglum, eða eiga mótmælendur að fá aðra og betri meðhöndlun. Viljum við ekki að lögreglan haldi uppi lögum og reglum. Hefur fólk hugsað til enda hvernig fer ef þetta heldur áfram svona. Ég hef áhyggjur að mótmælin séu að fara úr böndunum, reiðina þarf að höndla betur og virkja á annan hátt. Með því skilar hún betri árangri og mótmælendur fá fleira fólk í lið með sér. Það er örugglega fólk þarna úti sem vill mótmæla ástandinu en vill ekki láta kenna sig við þá hegðun sem sást við lögreglustöðina í dag.

Ég vona að fólk upplýsi börn sín um það að sú hegðun sem sást við lögreglustöðina í dag sé ekki til fyrirmyndar, börnin þurfa að vita að slík hegðun er eitthvað sem ber að varast

Fanganum sleppt

Fréttaleysi

Mér gengur kannski of vel að horfa ekki á fréttir. Nú finnst mér ég vera að missa af svo miklu, maður þarf náttúrulega að vera viðræðuhæfur og vel upplýstur   Ég held ég fari bara að fylgjast aftur með. Allavega fréttum á RUV, hef ekki lagt neina áherslu á að horfa á þær undanfarna daga og þá missir maður af svo miklu og Kastljósið er oft gott, hef ekki getað látið moggann alveg í friði, flétti honum á hverjum morgni, en bara flétti, í stað þess að lesa hann upp til agna.  En þarf kannski að passa mig bara á missa mig ekki í fréttirnar....en er allavega búin að horfa á tíu fréttir á RUV + núna ......

Skjár1

Ég mæli með að Skjár 1 fari bara í landssöfnun líkt og þeir gerðu hér um árið. Athugi bara hvað fólk vill leggja mikið til. Mig minnir að þeir hafi nú fengið slatta af peningum síðast þegar þeir gerðu ákall til þjóðarinnar. Þá var ástandið reyndar betra hjá flestum, en eflaust væru margir til í að leggja í púkkið. Ég skrifa ekki undir áskorun þeirra um að taka RUV af auglýsingamarkaði..ég vill hafa RUV og er ánægð með dagskránna hjá þeim  finnst nauðsynlegt að hafa RUV öflugt. En ég væri alveg til í að leggja eitthvað inn hjá Skjá1 til að halda dagskránni áfram þar.  Bara svona smá hugleiðingar á meðan ég horfi á Law and order á Skjá1.......

Ertu upplýstur

Heyrði "smá" fréttir í dag, auðvitað í bílnum. þar var ung kona (ímynda mér að hún hafi verið ung ) spurð um það hvort hún fyndi fyrir kreppunni, svarið var já ég get ekki keypt mér úlpu ! Það er s.s kreppan. Maður var spurður að því hvort hann ætlaði að fara á mótmælin á morgun, svarið var JÁ...þá var spurt veistu hverju verið er að mótmæla....það koma bara þögn...hann vissi það ekki...samt ætlaði hann að fara að mótmæla. Annars gekk mér rosalega vel með EKKI fréttir....horfði ekkert á sjónvarpsfréttir í dag !!

Ég er íslendingur og er stolt af því

Þvílík endemis vitleysa sem Gissur fréttamaður á Bylgjunni var að ræða í morgun, að það væri spurning um að skipta um nafn á landinu, því íslendingar erlendis væru fyrir svo miklu aðkasti í útlöndum. Mér finnst nú oft ansi mikil vitleysa sem maðurinn lætur út úr sér og ef svo ólíklega vill til að ég er með stillt á morgunútvarp Bylgjunnar og hann fer að segja "fréttir" eða ræða málin finnst mér þetta vera öllu heldur, þá stilli ég nú oftast á aðra stöð. En þegar maður "ræður" ekki yfir útvarpinu í bílnum þá neyðist maður stundum til að hlusta . Og þetta í morgun að skipta um nafn, þvílík vitleysa að útvarpa þessu.

En allavega.... ég er stolt af því að vera íslendingurog tek ekki ábyrgð á útrásinni og tel að það eigi ekki að dæma heila þjóð fyrir asnaskap nokkurra. Þeir sem láta saklausa fólk líða fyrir asnaskap annarra eru óþroskað og illa upplýst fólk.  Ef einhvern tímann hefur verið áríðandi að vera trúr sínu landi, sinni þjóð þá er það núna. Að flýja land er ekki til eftirbreytni. Við getum allt íslendingar og við munum rísa upp úr þessari djúpu lægð. Við þurfum að muna hvaðan við erum komin og sögu þjóðarinnar, hún er sterk og grunnur okkar er góður.  Íslendingar eru bestir, íslenskan er best, íslenskt er best oghananú..... Látum aldrei segja okkur annað.

Fréttir

Ég er að pæla í að hætta að leggja áherslu á að horfa og hlusta á fréttir. Kannski hætta bara alveg að fylgjast með fréttum. Áhuginn hefur minnkað alveg gífurlega. Ég hef nú hingað til verið fréttafíkill og fannst mjög gott að hlusta fyrst á sex fréttir á rás 1, síðan horfa á fréttir á stöð 2 (hætti reyndar að horfa á þær fyrir nokkru, eru svo dramatískar) og þar á eftir fréttir á RUV...fréttasýkin minnkaði aðeins þegar ég byrjaði í skólanum, hafði um svo mikið að hugsa og nóg að gera, bara missti af fréttum en fannst það ekki gott. En núna er mér bara alveg sama, þær eru bara leiðinlegar. meira að segja er mér alveg sama þó að ég missi af veðurfréttunum núna  ég þurfti sko alltaf að sjá veðurfréttirnar. Nú ætla ég bara að hlusta á ipodin minn í bílnum og bara stilla á aðra stöð þegar fréttirnar koma í sjónvarpinu !.......æi .... þarf að hætta að blogga því tíu fréttir eru að byrja   nú fór ég með það......en tíu fréttir eru kannski í lagi þær eru svo stuttar !

- hissa í mogganum -

Þetta stóð í mogganum í morgun á bls. 36 "Hvað kaupin varðar hissa menn sig ekki síst á því að á sínum tíma voru fjölmiðlafyrirtæki" Ég er nú bara alveg undrandi "hissa menn sig á" ..... er þetta ekki frekar óvandað ?