Fréttir

Ég er að pæla í að hætta að leggja áherslu á að horfa og hlusta á fréttir. Kannski hætta bara alveg að fylgjast með fréttum. Áhuginn hefur minnkað alveg gífurlega. Ég hef nú hingað til verið fréttafíkill og fannst mjög gott að hlusta fyrst á sex fréttir á rás 1, síðan horfa á fréttir á stöð 2 (hætti reyndar að horfa á þær fyrir nokkru, eru svo dramatískar) og þar á eftir fréttir á RUV...fréttasýkin minnkaði aðeins þegar ég byrjaði í skólanum, hafði um svo mikið að hugsa og nóg að gera, bara missti af fréttum en fannst það ekki gott. En núna er mér bara alveg sama, þær eru bara leiðinlegar. meira að segja er mér alveg sama þó að ég missi af veðurfréttunum núna  ég þurfti sko alltaf að sjá veðurfréttirnar. Nú ætla ég bara að hlusta á ipodin minn í bílnum og bara stilla á aðra stöð þegar fréttirnar koma í sjónvarpinu !.......æi .... þarf að hætta að blogga því tíu fréttir eru að byrja   nú fór ég með það......en tíu fréttir eru kannski í lagi þær eru svo stuttar !

- hissa í mogganum -

Þetta stóð í mogganum í morgun á bls. 36 "Hvað kaupin varðar hissa menn sig ekki síst á því að á sínum tíma voru fjölmiðlafyrirtæki" Ég er nú bara alveg undrandi "hissa menn sig á" ..... er þetta ekki frekar óvandað ?

Góðærið

Skil þetta ekki alveg með fyrirtæki sem fara bara á hausinn á fyrstu dögum "ekki góðæris". hvernig voru þessi fyrirtæki eiginlega rekin á meðan á góðærinu stóð. Eins og t.d. BT að það skuli rúlla bara yfir á fyrstu dögum erfiðleika, og þetta fyrirtæki var stofnað í góðærinu og rekið í bullandi eyðslufylleríi þjóðarinnar....skil ekki svona rekstur...það hefur ekkert verið lagt fyrir til að mæta smá samdrætti  (geri mér alveg grein fyrir að hann verður stærri en hann er ekki orðin það!) Vonandi lærir fólk eitthvað af þessu og þegar næsta góðæri kemur þá hafi fólk vit á að reka fyrirtækin með smá skynsemi....það er vitað mál að allur rekstur gengur í bylgjum "upp og niður" "upp og niður" Uppi er gaman, en maður verður líka að höndla þetta niður dæmi  allavega í smá tíma !

1. nóvember

Móðir mín,

Hún  var klettur æsku minnar
stoðin og styttan
fyrirmynd góð.

Hún lærði með mér ljóð
lagaði besta matinn
kenndi mér margt
þegar hún hló var ég glöð.

Hún nærði mig á sál  og líkama
var félagi minn.
með henni var ég bara ég
hún er farin en býr ávallt í hjarta mínu

Við erum alltaf í bandi.......

gg

Reiprennandi

Þetta fékk ég að vita í síðasta saumó.......Maður segir

"Hann talar ensku alveg reiprennandi" en ekki

"hann talar ensku alveg reiðbrennandi" og ég hef sagt þetta svona í tugi ára  

og veit um fleiri  Æ Æ

Skrattinn

Finnst ótrúlega fyndið að ég hef alltaf haldið að orðatiltækið Skrattinn úr sauðaleggnum væri Skrattinn úr sauðalæknum .  Mikið finnst mér gott vita að maður segir "Skrattinn úr sauðaleggnum". Þetta lærði ég í gær ásamt ýmsu öðru um íslensk mál, þegar ég var að lesa fyrir skólann.  Alltaf gott að velta fyrir sér tungunni, það þarf að gera íslenskir tungu mjög hátt undir höfði nú á tímum. Mér finnst alveg ótrúlega gaman að lesa sumar bækur sem settar eru fyrir í textagerð, maður áttar sig oft ekki á hvað tungumálið okkar er magnað.

Samdráttur

Mér finnst orðum ofaukið að tala um kreppu í dag. Ástandið er ekki gott, en það er ekki hungursneið né örbrigði - það er samdráttur --  Ég geri mér grein fyrir að margir eiga um sárt að binda núna og vona að fólk geti horft fram á veginn. Það sem mér finnst þetta kenna mér er að ég mun áfram og enn frekar spila hlutina án mikillar áhættu. Þetta var ágætisskellur fyrir okkur, of stór og of mikill, ekki hægt að neita því, en ég held að til lengri tíma litið áttum við okkur á að allt er gott í hófi . Nytsemi foreldar okkar afa og ömmu var ekki níska heldur útsjónarsemi og ekki síst skynsemi. Hjá sjálfri mér finn ég strax að hugsunarhátturinn hefur breyst, núna hugsar ég á öðrum nótum. Maður hendir minna og nýtir hlutina betur.  Það var nú næstum því orðið þannig að maður keypti t.d bara nýtt grill ef maður nennti ekki að þrífa hitt(nb. næstum því  ) ......Núna myndi það ekki hvarfla að mér....nú nýti ég hlutina !  Það er alltaf gott að vera í smá Pollýönnuleik, hlutirnir gætu verið verri og það eru bjartir tímar framundan. 

 

Snilld

Tvær góðar setningar sem ég hef mikið dálæti á

ÞAÐ ER LÚXUS AÐ VERA RÉTT SKILIN  -- þessi á vel við í dag !

MATVENDI ER GÓÐUR MATARSMEKKUR  -- þessi á alltaf vel við  

 

 

Regnbogabörn - einelti

 

 

Á heimasíðu Regnbogabarna kemur eftirfarandi fram um einelti

 http://www.regnbogaborn.is/?i=28

.: Hvað er einelti :.

“Einelti er skilgreint sem  endurtekin eða viðstöðulaust áreyti/ valdbeiting, munnleg,  sálfræðileg eða líkamleg, framkvæmdar af einstaklingi eða hóp einstaklinga sem beita sér gegn annarri manneskju eða hóp einstaklinga gegn þeirra vilja.”

Dan Olweus skilgreinir einelti þannig að  það sé einstaklingur sem lendir reglulega og yfir ákveðið tímabil í neikvæðu áreiti af hendi eins eða fleiri.?Roland telur einelti vera langa og kerfisbundna notkun ofbeldis, andlegs eða líkamlegs, gagnvart einstaklingi sem ekki getur varið sig í aðstæðunum. Bjorkquist og fleiri segja einelti vera ákveðna tegund ýgi/árásargirni sem sé í raun félagsleg.?

Pikas heldur því fram að nauðsynlegt viðmið til að meta einelti sé að það sé neikvæð hegðun frá tveimur eða fleiri einstaklingum gagnvart einum einstaklingi eða hópi. ?

Besag segir að í Bretlandi sé það talið einelti þegar einn einstaklingur ræðst á einhvern hátt gegn einum einstaklingi, hópi eða hópur ræðst gegn hópi eða hópur gegn einstaklingi.

 

Er þetta ekki farið að vera einelti

Mér finnst með ólíkindum hvað fólk getur gert mikla aðför að einum manni.  Hvernig getur Davíð Oddsson átti, einn maður, að bera slíka ábyrg..Skil ekki að þetta fólk sem stóð fyrir mótmælum á Austurvelli skuli ekki kalla aðra í Seðlabankanum til ábyrgðar líka (ef þeir vilja kenna Davíð um þetta allt þar sem hann er Seðlabankastjóri) þetta fólk hlýtur þá að líta á hina tvo Seðlabankastjórana sem algjörlega vanhæfa menn og alla ráðgjafa Seðlabankans líka. Eða heldur fólk virkilega að Davíð sé einn í bankanum, hættið þið nú alveg það vinna fleiri þar og ábyrgðina er ekki hægt að setja á einn mann. Mér finnst þetta ljót aðför að merkum manni sem stjórnaði landinu til fjölda ára með sóma. Spurning hve margir mundu mæta á útifund til stuðnings honum ?